BUTUAN CITY – Gipa-ilalom na sa otopsiya ang patay’ng laws sa usa ka drug suspect kinsa napatay human misukol sa gipahigayong drug buy bust operation pasado alas-9:45 kagahapon sa buntag sa may Purok 2-A, Brgy. Soriano, Cabadbaran City sa lalawigan sa Agusan del Norte.
Na-ila ang napatay nga si Ambruddin Marcan, 37-anyos, minyo, usa tricycle driver og residente sa Purok 4, Brgy. 6 sa maong siyudad.
Nasayrang gihimo sa Cabadbaran City Police Station ang operasyon pinaagi sa text human gigamit ang poseur buyer bitbit ang 500-pesos nga marked money apan naka-amoy kini nga mga pulis ang nakatransaksyon hinungdan nga dali niining gipusil ang buyer.
Mibalos usab ang back-up police pagpusil ngadto sa drug suspect resulta sa hinanali niining pagkamatay.
Narekober sa crime scene ang marked money, gibana-banang 6-gramoas nga suspected shabu nga nagkantidad og P70.800.00, napulo ka basiyo sa 9mm pistol, usa ka kalibre 45 nga pistolang duna’y tulo ka bala og usa ka basiyo niini. (Beth Ruiz)
