4 patay sa pagbangga sa motorsiklo sa usa ka pick-up sa Agusan del Sur

BUTUAN – Mitahan gilayon sa kapulisan sa Trento, Agusan del Sur ang driver sa usa ka Hilux van human nalambigit sa aksidente nga miresulta sa pagkamatay sa upat ka mga tawong sakay sa usa ka motorsiklo.
Ang aksidenteng natigayon pasado alas-onse sa gabii sa may national highway sa crossing sa Brgy. Cuevas, sakop sa maong lungsod miresulta sa pagkamatay nila Marvin Isabel Bergado. 19-anyos, uliltawo og maoy nagmaneho sa motorsiklo, residente sa P-3, Brgy. Sta. Isabel sa lungsod sa Sta Josefa sa susamang lalawigan og ang mga angkas niining sila Richard Relien Lugo, 21-anyos, ulitawo nga taga P-7 Brgy. Patrocenio sakop sa maong lungsod; Richard Pacio, ulitawo, 19-anyos, residente sa P-3, Brgy. Pulang Lupa og Juliet Delima, 16 anyos, sa P-1 Brgy. Pulang Lupa, lungsod sa Trento.
Sigon sa driver sa van nga si Ed Fergus Estrella Barro, 28 anyos, residente sa P-1 Brgy. Poblacion Trento, iyang nasugat ang motorsklong kalit lamang matud pang mi-overtake sa usa ka 10-wheeler truck nga iya pang gilikayan apan mibangga na kini sa atubangang bahin sa iyang sakyanan.
Sigon usab ni Jedmark Bergado ig-agaw sa usa sa mga biktima, gikan sa sentrong bahagi ng bayan ang mga biktima og pauli na unta dihang natigayon ang insidente. (Beth Ruiz)