BUTUAN CITY – Nikalas ug duha ka kinabuhi ang nahitabong vehicular accident kagahapon bandang alas 6 sa hapon sa National Highway Barangay Tanabog sakop sa dakbayan sa Tandag sa lalawigan sa Surigao Del Sur.
Giila ni P/chief Insp. Rey Surida hepe sa Tandag CPS, ang mga biktima nga sila Alex Galoran Prado nga taga Prk 3 Brgy. Zone 3 lungsod sa Lanuza ug David Agubili taga Boniao Village Telaje Tandag City.
Pauli na unta ang mga biktima sa Rosario diin kusog matod pa ang padagan niini sakay sa TMX dihang nabangga kini sa kasugat nga tricycle nga gipanag-iyahan ni francisco Murillo.
Nabulag sa motor ang mga biktima ug nalagpot sa pikas linya ang biktimang si David kansa walay swerte nga naligsan pa sa kia bonggo nga gimanehoan ni Gregorio Pagaduan Jr.
Dead on the spot ang duha ka biktima tungod sa nahiagumang samad sa lain-laing parte sa lawas.
Gikumpirma ni Surida nga lango sa ilimnong makahubog ang mga biktima.
Samtang gidala usab sa balay tambalanan ang magtiayong sakay sa nakabangang tricycle.
Sa karon pabiling anaa sa kustodiya sa pulisya ang tricyle ug Kia Bonggo alang sa ipahigayong imbestigasyon.
