(foto credit: Rey Celeste Suravasquez)
BUTUAN CITY – Gihulat pa sa kapulisan sa Surigao City ang lakang nga posibleng himuon sa pamilya sa duha ka mga tawong namatay human na-aksidente ang ilang gisakyang motorsiklo pasado alas-3:55 sa kaadlawon.
Na-ila ang mga namatay nga sila Bonifacio Paorco Jr., 27-anyos, residente sa Sukailang og ang angkas niining si Rosebie Jama, 24-anyos nga taga-Brgy. Luna sa susamang siyudad og parehong empleyado sa usa ka fast food chain.
Sigon sa inisyal nga imbestigasyon, pauli na unta ang mga biktima gikan sa Mario’s resto-bar og pag-abot niini sa national highway sa tungod mismo sa dakbalay sa Helping Foundation, mi-overtake kini sa nauna kanilang sakyanan hinungdan nga wala na kini nakalikay pa sa kasugat nga van resulta sa pareho nilang pagkalabot nga misangpot sa hinanali nilang pagkamatay.
Anaa na sa kostudiya sa Surigao City Police Station ang van og ang driver niining si Laurence Espijon nga gikan pa sa usa ka warehouse og padulong unta sa city proper. (Beth Ruiz)
