BUTUAN CITY – Duha ang patay samtang pito ang angol human misirko ang ilang gisakyang van kaganinang alas-6:30 sa buntag sa may Brgy. Sta. Ana, lungsod sa Tubay, Agusan del Norte.
Naila ang mga namatay nga sila Ronald Bocboc, 46-anyos, ulitawo, cutter sa Kitcharao District Hospital og residente sa Poblacion, Kitcharao, Agusan Del Norte og Vivencio Pigador, residente sa San Isidro, Kitcharao, Agusan Del Norte.
Ang mga pasahero nga pulos mga samaran mao sila Rodulfo Dalogdogan, olitawo og residente sa Cantilan, Surigao Del Sur; Bevelyn Yepe, biyuda nga taga Purok-2, Tubod, Surigao Del Norte; Roberto Sinco, Menyu taga San Isidro, Kitcharao, Agusan Del Norte; Arnold Bajao Aryal, olitawo nga taga San Juan Madrid, Surigao Del Sur; Nisa Abilar, dalaga og residente sa Purok 8, Barangay Masau, Butuan City; og Juvy Pagonasa, menyu nga taga Mahayahay, Kitcharao, Agusan Del Norte.
Ang mga samaron ang gidala sa Cabadbaran District Hospital og Butuan City Medical Center.
Sa pakighinabi ning sibyahan, gibutyag ni P/Sr. Insp. Augustine Navarro – hepe sa Tubay Municipal Police Station, migawas sa ilang inisyal nga imbestigasyon nga mibuto matud pa ang ligid sa gisakyan nilang Hi Ace van nga gimanehuan ni Donald Plaza, 46-anyos, residente sa Purok 2, Zone 4, Lanuza, Surigao del Sur hinungdan sa duha ka higayong pagsirko sa maong sakyanan, maayo matud pang pagkalagpot sa duruha resulta sa ilang pagkamatay samtang gidala sa ospital ang laing mga sakay niini.
Nagsumikad ang sakyanan sa Surigao City og padulong unta ning siyudad sa Butuan.
Giklaro pa sa opisyal nga mag-atubang gihapon og kaso ang drayber bisan ug lakip kini sa mga seryosong nakahiagum ug mga samad og damyos sa kalawasan.
