BUTUAN CITY- Swerteng naluwas ang usa ka bayong-bayong nga nag-suicide pipila ka oras lang ang nakalabay human nagtubok usab ang iyang ate.
Nasayran nga alas 12:00 kaganinang udto sa dihang nakaplagan nalang sulod sa balay nga nagbitay na si Annelyn Tablo Magaso, 31-anyos, menyu ug residente sa Purok-2, Barangay Dumalagan, Butuan City.
Daling gidala kini sa ospital apan gideklarang dead on arrival.
Sa pagresponde sa mga personahe sa Butuan City Police Station-3, na-abtan usab nga nagbitay na sa kusina nga bahin ang kamanghuran niining si Junrey Tablo, 15-anyos, kangsa maoy unang nakakaplag sa unang biktima.
Sigon ni PO2 Bernard Amora, maayo nalang kay duna silay nakitang kutsilyo nga maoy gigamit nila sa pagputol sa pisi ug sila na ang nagdala sa Agusan Del Norte Provincial Hospital.
Gikumpirma usab ni PO2 Amora nga usa ka pisi lang ang gigamit sa pag-suicide sa duha ka biktima. Depression usab ang nakitang rason sa pagtubok sa mga niini.
Nasayrang tungod sa pagdali-dali sa kapulisan nga madala ngadto sa ospital ang biktima, na-side-sweep sa ilang patrol car ang sakyanan ni Rev. Fr. Joeselo Amalia.
Misunod si Fr. Amalia ngadto sa ospital og didto nasuta ang kahimtang sa biktima hinungdang iya gelayon kining gibendisyunan.
Dinhe na matud pa nahitabo ang milagro, diin ang biktima nga wala na maglihok sa dihang gikuha sa kapulisan og gidala sa ospital, mibuka ang mata og hingpit nga naluwas sa kamatayon.
Sa nakuhang impormasyon ning sibyahan, suicide usab ang gikamatay sa amahan sa mga biktima pipila ka tuig na ang nakalabay.
