BUTUAN CITY – Gipasakaan na og kasong paglapas sa Comprehensive Firearms and Ammunition Regulation Act ang usa ka negosyante human nasikop sa gipatumang Oplan Paglalansag Omega
pag-implementar sa search warrant sa niaging alas 9:00 sa buntag sa may Purok 1 Brgy. Tambis, Barobo, Surigao del Sur og nakuhaan pa og mga armas.
Naila ang suspek nga si Brigido Limas Amarille alyas Dodong, 56-anyos, menyu, negosyante ug residente sa maong dapit.
Ang search warrant sa paglapas sa RA 10591 ang gipagawas ni Judge Lilibeth Ladaga, Executive/Presiding Judge, RTC 11th Judicial Region, Branch 28, Surigao City nga dunay petsang 28, 2018.
Nakumpiska sa hiniusang puwersa sa Criminal Investigation and Detection Group kon CIDG-Surigao Del Sur, 1301st Maneuvering Company sa Regional Mobile Force Battalion-13 og Barobo Municipal Police Station, ang tag-usa ka yunit sa kalibre 45 nga pistola; 9mm; caliber 357 revolver; kalibre 38 at og duha ka yunit sa kalibre 22 nga duna’y daghang mga magazine og mga bala.
Ang na-arestong suspek kauban ang mga nakumpiskang butang, gikustudiya ba sa CIDG-Surigao Del Sur. (Melody Valledor)
