BUTUAN CITY-Padayon pang gi-imbestigahan sa mga sakop sa Butuan City Police Station 4 ang brutal nga paglugos-patay sa usa ka ginang nga gitu-uhang natigayon kagabii human kini nawala sa ilang pinuy-anan.
Naila ang biktimang si Roselyn Lopez, 46-anyos, duna’y duha ka mga anak og residente sa Purok 3, Brgy. Aupagan ning siyudad sa Butuan.
Sigon sa iyang banang si Renato, dako na lang ang ilang katingala sa iyang mga anak dihang wala na kini maka-uli hinungdan nga ila kining gipangita kagabii.
Kaganinang alas-8:30 sa buntag, nakit-an na lang kini ni Edwin Espinosa og sa iyang asawa nga nagbuy-od na sa kasagbutang bahin sa basakan sa Purok 5-A, Brgy. Tagabaca ning siyudad sa Butuan.
Saysay ni Espinosa, gikan sila nagbukas sa ilang patubig og pa-uli na unta dihang ilang unang nakit-an ang usa ka paresan sa butas nga gisundan sa pagkakaplag nila sa patay’ng lawas hinungdan sa dali nilang pagdangop sa ilang barangay kapitan og dinhi na niya nasuta nga kabanay niya ang biktima.
Samtang gibutyag usab sa bana sa baktimang si Renato Lopez nga posibleng ami-apas kaniya ang biktima.
Blangko siya kung kinsa ang mihimo niini ngadto sa iyang asawa nga gitu-uhan niyang gi-atangan nang daan, ilabina nga duna’y duha ka upos sa sigarilyo ang napalgan sa maong dapit.
Gawas sa sigarilyo, nakarekober usab ang mga pulis ang usa ka paresan sa kolor green nga tsinelas nga gitu-uhang gipanag-iyahan sa suspek og ang usa ka igo-igo sa gidak-ong sanga sa kahoy nga gitu-uhang gigamit pagbunal sa ulo sa biktima.
