BUTUAN CITY – Gi-atangan na sa mga Caraganons ang pinaka-unang same sex marriage nga matigayon ning rehiyon og himuon unyang alas-kwatro sa hapon sa usa ka hotel sa Bayugan City. lalawigan ng Agusan del Sur.
Ang duha ka tuig nang maghinigugmaay nga sila Alice Crisostomo nga taga-Brgy. Antongalon ning siyudad sa Butuan og ang lesbian partner niining si Honey Jane Abiñon nga taga-Bayugan City kaslon sa officiating priest nga si Rev. CJ Agbayani sa LGBT Christian Church nga nakabase sa Quezon City.
Sigon ni Ysang Bacasmas – chairperson sa Ladlad-Caraga, ang flow sa wedding ceremony susama usab sa traditional wedding kondiin magsuot og puting wedding gown si Crisostomo samtang tuxedo usab ang susuutin ni Abiñon,
Duna usab sila’y mga secondary sponsors sama sa bridesmaids og grooms men, flower girls og ring bearer og mga principal sponsors.
Dugang pa ni Bacasmas, wala’y laing gipangayo ang mga kaslunon kondili ang respeto lang og equality.
Sa pikas bahin, gipadayag ni Rev. CJ Agbayani nga kapin na sa usa ka libo ka mga LGBT partners na ang iyang nakasal sa Pilipinas apan unang higayon pa lang dinhi sa Caraga Region.
Wala matud pa siya’y nasinati-ang violent reactions sa lugar diin siya nag-officiate og same sex marriage apan aminado siyang duna’y mga bashers og haters siya nga mutawag pa kaniyang anak ni satanas. (Beth Ruiz)
