BUTUAN CITY – Andam atubangon sa driver sa usa ka trailer truck ang posibleng kasong ipasaka batuk kaniya human nalatayan sa gimanehuan niining sakyanan ang usa ka 3-anyos nga bata kaganinang alas-8:30 sa buntag sulod sa compound sa Ronwood Corporation sa Brgy. Baan Km. 3 ning siyudad sa Butuan.
Sigon sa driver sa sakyanan nga si Henry Salo, 45-anyos, minyo og residente sa Brgy. Ambago ning siyudad sa Butuan, nakaparada nang daan ang trak kagahapon aron pagdiskarga sa mga construction materials og dihang gitawag na siya aron manehuan na ang sakyanan, iya na lang nabantayan nga naninggit na ang mga tawo sa palibot.
Giklaro ni Salo nga wala niya nabantayan ang bata nga nagdula diay hinungdan nga nalatayan sa luyo nga ligid ang ulo niini resulta sa maayong pagkapisat. (Beth Ruiz)
