BUTUAN CITY – Patay nang napalgan sulod sa iyang selda sa Agusan del Norte provincial jail ang usa ka piniriso human kini subling nadakpan dihang misulay pag-eskapo pasado alas-2:30 kagahapon sa hapon.
Ang pinirisong si Bonifacio Pagaran, 40-anyos, residente sa Purok 5, Brgy. Agong-ong, Buenavista, Agusan del Norte og nag-atubang og kasong pagpanglugos, naghikog gamit ang ilang kolor orange nga prison uniform nga maoy iyang gihikot sa iyang li-og.
Sigon ni provincial jail warden Fermin Antenorio sa eksklusibong pakighinabi sa Bombo Radyo, misulay matud pa pagsibat ang maong piniriso kagahapon sa alas-2:30 sa hapon.
Gani, nagkaharong pa sila sa gwardiya dihang gisulayan niya kini pagbunal sa kahoy nga tukod sa ilang hayhayan sa tower 2 apan midagan kini human giti-unan sa isyung AK-47 rifle.
Bisan og wala makabuto ang maong armas, milayat gihapon kini padulong sa daang prisuhan diin nahimutang ang selda sa mga babayeng piniriso og ang ilang buhatan kansa duna gihapo’y koral.
Pagsaysay pa sa opisyal, mikatkat gilayon sa punuan sa mangga ang maong binilaggo kinsa dihang wala ma-igo human subling gipabuthan, malampusong naka-ambak sa gawas nga bahin sa koral dapit sa daang dakbalay sa Police Regional Office kon PRO-13.
Dali matud pa kining misaka sa usa ka balay dayong aksyon og hostage sa usa ka 4-anyos nga bata gamit ang tinidor og tungod sa paspas nga pagresponde sa mga gwardiya sa provincial jail, hinungdan nga na-clipan ang iyang li-og dayong bunal sa kamot nga nagkupot sa bata rason nga nabuhian kini og nabalik sa iyang inahan.
Human nadakpan, gisaysay sa maong binilanggo nga duna matud pa’y gustong mupatay kaniya sulod sa selda og aron dili na ma-usab pa ang maong insidente, ila kining gi-isolate.
Pasado alas-6:45 kaganinang buntag, nangayo na matud pa kini og kape sa mga pinirisong anaa sa kasikbit sa iyang selda human sa zumba session.
Wala gipahilabtan sa opisyal ang patay’ng lawas hangtud nga wala mu-abot ang taga-Scene of the Crime Operatives kon SOCO aron dili matud pa sila madudahan. (Beth Ruiz)
