BUTUAN CITY – Ang depektusong bala sa M203 grenade launcher ang nakitang hinungdan sa pagbusikad niini nga mikalas sa kinabuhi sa usa ka sundalo sulod mismo sa headquarters sa 26th Infantry Battalion, Philippine Army nga nakabase sa Brgy. Nicholas, lungsod sa Talacogon, lalawigan sa Agusan del Sur
Sa pakighinabi ning sibyahan gibutyag ni Lt. Colonel Rommel Pagayon, nanghipos matud pa og gamit ang ilang tropa alang sa ilang pagbalhin dihang kalit na lang nga duna’y mibusikad kondiin nakitang nagbuy-od na si Sgt. Gonzales nga wala na’y kinabuhi samtang ang laing duha ang angol.
Aksidente lang matud pa ang nahitabo hinungdan nga wala’y plano ang pamilya sa mga biktima nga mupasaka og kaso.
Gi-andam na usab ang mga benepisyong madawat sa pamilya sa namatay og sa mga na-angol nga sundalo tungod kay natigayon man kini atol sa ilang tour of duty. (Beth Ruiz)
