BUTUAN CITY – Pangunahan sa Department of Interior and Local Government kon DILG-Caraga ang himuong tulo ka adlaw nga ‘federalism road show’ dinhi sa dakbayan sa Butuan karong Hunyo 21, 22 og 23.
Sigon ni DILG-Caraga OIC Assistant Regional Director Donald Serunay, usa kini ka public awareness activity and campaign nga gisuportahan sa Presidential Management Staff kon PMS og sa Philippine Information Agency kon PIA.
Mamahimong dinapit nga bisita niiing mga adlawa ang pipila ka mga membro sa gimugnang Constitutional Commission kon ConCom pagpanguna ni retired Chief Justice Reynato Puno.
Gibahin matud pa nila sa PMS ang orientation kondiin sa DILG, target nilang ma-lecture niini ang 250 ka mga partisipante gikan sa mga local government units kon LGUs.
Samtang ang PMS maoy in-charge sa laing 250 sa mga national government agencies, mga basic sectors og mga non-government organizations.
Tumong sa maong kalihukan nga ilang makuha ang tingog sa mga Caraganons kung uyon ba sila o dili sa pagpatuman sa federal form of government dinhi sa nasud hulip sa presidential form.
Angayan matud pang masabtan sa tanan nga ubos sa federal form of government, mas mudako na ang income nga igahin ngadto sa mga LGUs kansa mabugtian usab og dako nga level sa kalambuan diha sa komunidad.
Nasayrang ang Caraga Region mao ang ikaduhang rehiyon sa nasud nga pahigayunan sa nasangpit nga kalihukan sunod sa Region 7 ilabina sa Dumaguete City nga sugdan karong Hunyo 18, 19 hangtud 7. (Beth Ruiz)
