BUTUAN CITY – Igo na lang sa pagbangutan ang pamilya sa usa ka estudyante human nakuryentihan samtang nagdula og pana pasado alas-3:30 kagahapon sa hapon.
Naila ang biktimang si Sandy Pagarom, 14-anyos, residente sa Brgy. Capalayan sakop sa Surigao City.
Sigon ni P/Sr. Supt. Diomedes Cuadra – hepe sa Surigao City Police Station, gisaysay matud pa sa apuhan sa biktimang si Rosanna Delapa, mita-op matud pa ang arrow sa pana sa punuan sa lubi hinungdan nga gikatkat kini sa biktima.
Samtang mikatkat na, nahulog matud pa ang usa sa mga sanga sa lubi tunong sa live wire sa Surigao City del Norte Electric Cooperative kon SURNECO. Milagpot padulong sa lawas sa biktima ang live wire hinungdan sa pagkahulog usab niini resulta sa iyang hinanaling kamatayon. (Beth Ruiz)
