BUTUAN CITY – Hilabihan ang gibating kalipay karun sa Top 7 sa bag-ohay lang nga resulta sa 2018 Dentistry Board Exam.
Kini ang reaksiyun ni Lind Rochelle Pallones Mondano nga nagdako na sa kauluhang Manila apan taga-Mainit, Surigao Del Norte og pag-omangkon sa mayor sa maong lungsod.
Sa eksklusibong pakighinabi sa Bombo radyo Butuan, gibutyag niini nga halos dili siya makatoo tungod kay wala siya naglaum nga mag Top sa maong eksaminasyun.
Gihatag lang matud pa niini ang best diha sa pagtoon dayung butyag nga pangandoy lang niya nga mopasar hinungdang gikonsiderang bunos na ang iyang pagTop niini.
Dakong tabang matud pa ang maayong training sulod sa tunghaan sa University of the Philippines- Manila.
Gelayon usab nga nagpasalamat sa mga tawong misuporta ug misalig kaniya.
Mitambag usab kini sa mga magtutungha nga kinahanglang mag focus sa pagtoon og dili kalimtan ang pag-ampo sa Ginoo.
Si Lind Rochelle Pallones Mondano ang Top 7 sa 2018 Dentistry Board Exam sa average nga 82.44 percent.
Masegarbuhon usab nga gikumpirma ni Mondano nga usa siya ka volunteer sa Bombo Medico, ang tinuig nga proyekto sa Bombo Radyo Philippines.
