BUTUAN CITY – Blangko pa ang pamilya sa usa ka mag-uuma kung kinsa ang responsable og unsa ang motibo sa pagpusil-patay niini pasado alas-30 kagabii didto sa Sitio Tagbabacon, District 7, Brgy. Culit, Nasipit, Agusan del Norte.
Sigon sa nakasaksing si Luzviminda Labador, step-daughter sa biktimang si Jose Unahan, 56-anyos, anaa siya sa likod niini samtang nagbantay og tindahan dihang gipusil kini sa naka-helmet nga lalaki.
Nagpalit matud pa og sigarilyo ang suspek og dihang gitunol na ang sigarilyo dinhi na siya gipusil sa maka-usa ka higayondiha sa iyang dughan hinungdan sa iyang hinanaling kamatayon.
Wala matud pa’y kaaway sa ilang lugar si Unahan hinungdan nga wala sila’y kasayuran sa motibo sa mga suspek.
Gidugang pa niini nga kung nakalapos pa ang bala sa lawas sa biktima, posibleng apil siya sa ma-igo tungod kay anaa man siya sa likod niini. (Beth Ruiz)
