BUTUAN CITY – Gelayong nagpadayag sa iyang kinasing-kasing nga pagpasalamat ang bag-ong Presidente sa Sanguniang Kabataan kon SK Federation sa Butuan City nga si Barangay Golden Ribbon SK Chairman Winkok Lim Chiang II sa misuporta kaniya.
Sumala pa ni Chiang sa pakighinabi sa Bombo Radyo Butuan, hilabihan ang iyang kalipay human miabot sa 68 ka mga boto ang iyang nakuha gikan sa mga kaubang SK Chairman og midaug isip SK Federation President.
Misaad nalang kini nga mabibit gyud niini ang gilauman nilang kabag-ohan ug serbisyu.
Pagbutyag pa niini nga han-ay na ang mga programa alang sa kabatan-onan ug ang buhatan nalang mao ang pagpatuman niini.
Gane gikalipay niini tungod kay gihatagan ug bili ang kabatan-onan sa kasamtangang administrasyon.
Tungod kay mibalik na ang SK, kinahanglan matud pa nga dunay representante ang kabatan-onan diha sa konseho.
Una nang gihimu ang election sa pagka presidente sa SK Federation sa dakbayan kaganinan, diin ka-agbat ni Chiang ang SK Chairman sa Barangay Ong YU nga si Webster Montero nga nakakuha ug 18 ka mga boto gikan sa 86 ka mga kaubanang SK chairman.
