BUTUAN CITY- Gihatagan na ug desenteng lubong ang usa ka patay’ng lawas sa gitoohang miyembro sa New People’s Army kon NPA nga nakub-kuban sa may Purok-2, Barangay Sinakungan, lungsod sa Esperanza, lalawigan sa Agusan Del Norte.
Sa impormasyong nakuha ning sibyahan, nakadawat ang kapulisan sa maong lungsod ug tawag gikan sa 23rd Infantry Battalion, Philippine Army mahitungod sa nakabutan nga patay’ng lawas sa nakalabay nga alas 7:00 sa buntag
Sa pagresponde sa kapulisan, nasuta nga usa ka metro lang ang gilubngan sa patay’ng lawas nga anaa na sa state of decomposition hinungdang wala na maka-antos ang mga residente sa mi-alisngaw nga baho niini.
Ang maong patay’ng lawas dunay samad sa walang dughan nga agi matud pa sa bala sa armas, ug putol na usab ang walang kamot.
Gitoohang ang maong biktima nakalas atol sa pag-harass sa walhong grupo ngadto sa detachment sa maong lugar niadtong Mayo 14.
Tungod sa lisud nang ilhon ang identity sa maong patay’ng lawas, gelayon kining gilubong sa sementeryo sa maong lungsod.
Kung mahinumduman, usa ka semana human sa pag-atake sa detachment, usa ka patay’ng lawas usab ang nakabutan nga gitoohang miyembro sa NPA.
