(photo credit) Surigao Daily Updates
BUTUAN CITY – Desidido ang pamilya na mga namatay nga duha ka pasahero sa van nga mupasaka og kaso batok sa driver sa dump truck nga nakabangga niini kagahapon sa buntag sa National Highway sa P-4, Brgy. Santa Ana, Tubay, Agusan del Norte.
Sigon ni PO3 Sayson Cañetes, imbestigador sa Tubay Municipal Police Station, biyahe padulong sa Surigao City ang Nissan NV350 Urban tourist van sa D Pearl Express dihang kalilt lang matud pang mi-over take ang dump truck sa usa ka tricycle hinungdan nga wala na niini malikayi ang van.
Tungod sa kakusog sa impact, m aayong pagkagupi sa atubangan og atop nga bahin sa van hinungdan sa pagkamatay sa driver sa van nga si Raymond Jamero Sabandal nga taga-Brgy. Timamana, Tubod, Surigao del Norte og pasahero niining si Benlie Jane Sala Betarmos, 20-anyos.
Gidala pa sa Cabadbaran District Hospital ang mga biktima apan gideklarang patay ang duha samtang ang tulo gi-refer sa Caraga regional Hospital sa Surigao City og usa ang out patient.
Gikostudiya na sa Tubay Municipal Police Station ang driver sa dump truck nga si Glicer Sibay nga taga-Brgy. Mabini Cabadbaran City sa lalawigan ng Agusan del Norte. (Melody Valledor)
