BUTUAN CITY – Giklaro ni Akbayan Partylist Rep. Tom Villarin nga dili mamahimong indepente ang ARMM ugaling hingpit nang mapatuman ang Bangsamoro Basic Law kon BBL.
Sigon sa magbabalaod sa eksklusibong pakighinabi sa Bombo Radyo Butuan, ilawom gihapon ang armm sa gobyerno sa Pilipinas bisan sa implementasyon sa BBL.
Dunay gihatag lang nga mga dugang gahum ug teritoryo niini. Samtang gipasabot usab ni Villarin nga daghang kabag-ohan ang napapasar nga sugyot sa kamara.
Lakip na niini ang gitangtang nga sugyot sa pagpalapad sa teritoryo, walay gibutang nga constitutional offices hinoon magbuhat ug kaugalingong opisina ang bangsamoro.
Gipahayag usab ni Rep. Villarin nga gidawat ang maong BBL sa kaigsoonang muslim base na sa gihimu sa Bangsamoro Transition Commission.
Ang dakong problema lang sa ARMM mao ang kataas sa kapobrehon nga maoy kinahanglang mahatagan ug tubag.
Hinungdang kinahanglang mabati nila ang kauban sila sa paglambu sa katilingban. Kini usab ang hinungdan nga mas daghan ang daling madane sa extremistang kalihukan.
Ang labing importante sa karun human napapasar ang BBL, nga mahatagan ug igong suporta ang pag-implementar niini aron walay mahimong kapakyasan sa BBL.
