BUTUAN CITY – Gitumbok sa kilusang Mayo Uno kon KMU Caraga nga kinahanglan ng patas-an ang suholan sa mga mamumuo sa tibuok nasud kini alayon na sa epekto sa Tax Reform for Acceleration and Inclusion kon TRAIN law.
Sumala ni Jacinto Tanduya chairperson sa KMU-Caraga, gikinahanglan ang Resolution 7787 aron nga ma makaapas ang mga mamumuo hilabina kadtong dunay ubos nga suholan sa taas nga presyo karon sa mga nag-unang produkto sa merkado.
Tumong sa maong resolution nga gi file sa Makabayan bloc nga mapausbaw sa 750 national rate ang suholan sa mga mamumuo sa nasud. Nasudnon ang gipanawagan tungod tibuok nasud usab ang apektado sa TRAIN hinungdan nga gikinhanglan ang national wage rate.
Giklaro usab ni Tanduya nga dili pa gayod igo ang 750 pesos alang sa kasamtangang family living wage sa nasud.
Tungod sa pagkakaron kinahanglan na nga dunay inadlaw nga usa ka libo ka pesos nga income ang usa ka mamumuo aron makasustenar sa panginahanglan sa pamilya. (Melody Valledor)
