BUTUAN CITY – Mag atubang ug patong-patong nga kaso ang driver sa Isuzu D-max nga naka- sideswipe sa Mitsubishi Fuzion nga nabangga sa punuan sa mangga hinungdan sa kamatayon sa lima ka sakay niini didto sa Purok 4, Barangay Pedro, Alegria, Surigao del Norte.
Sumala ni PO2 Roselito Dumanjog. Imbestigador sa Alegria Municipal Police Station, gipa-abot na lang nila ang kabanay sa mga biktima aron hingpit nang masangat ang mga kasong reckless imprudence resulting to homicide, reckless imprudence resulting serious physical injury ug reckless imprudence resulting to damage of property.
Gikumpirma usab niini nga buhi ang 3 ka mga biktima kondiin ang usa pabiling unconscious sa balay tambalanan base na sa kumpirmasyon sa attending physician.
Nasayrang anaa na sa kustodiya sa Alegria Municipal Police Station ang driver sa Isuzu D-Max nga si Manolito Cubillo Acuzar 51 anyos nga taga Gingoog City. (Melody Valledor)
