BUTUAN CITY – Nanghinaut ang lokal nga kagamhanan sa Surigao City nga konsultahon sila sa mga personahe sa Department of Environment and Natural Resources kon DENR-Caraga sa ilang ipatumang foreshore development plan sa may Mabua Pebble Beach sa Brgy. Mabua.
Kini ang gipanghinaut ni City Councilor Rice Recabo human nga nag-trending sa social media ang post sa mga concerned nga residente dihang nakita ang kongkretong latayan nga gitukod sa mismong beach kansa gikabalak-ang makadaut sa nindot niining natural nga talan-awon.
Gibutyag sa opisyal nga ka-uban siya sa katawhan sa ilang siyudad ilabina sa Brgy. Mabua nga gustong mapreserbar ang kanindot sa maong dagat kansa na-andan lang sa mga tawo nga mga wooden cottages lang ang nagpalibot niini og wala’y kongkretong istraktura nga posibleng mamahimong eye sore na hinuon ilabina sa mga turista. (Beth Ruiz)
