BUTUAN CITY – Nagmontar ug coordinator ang Philtranco Bus sa Lipata Port sa Surigao City diin mamahimong makuha sa mga makapauli na nga survivor ang salaping cash ug pagkaon.
Kini ang gipahayag sa Line Inspector sa Philtranco Bus nga si Noel Manaog atol sa briefing human ang aksidenteng pagkahulog sa ilang unit kaganinang kaadlawon sa may tulay sa Barangay Buntay, Tanauan, Leyte.
Sumala pa ni Manaog nga nahan-ay na nila ang tabang sa pagpatambal sa mga samaran lakip na ang ilang pagkaon. Samtang gi-assess pa sa karun kung kinsa kadtong pwede nang makapauli nga survivor diin dunay naghulat nga bus aron maoy mohatud kanila.
Nasayrang kadaghanan sa halos 50 ka mga survivor, taga Surigao del Norte, Surigao Del Sur ug Dinagat Island sakop sa rehiyon sa Caraga.
Samtang naila nausab ang tulo nga nakalas nga mao sila Brian Noterte, 30 yrs. Old , Queenelyn Galadnara, 3 yrs. old gikan sa San Jose, Dinagat Island ug Wyndell Simbajon,15-anyos nga taga Dumol, Davao City.
