BUTUAN CITY – Gi-awhag sa Department of Interior and Local Government kon DILG nga imbes nga magsumbong o mag post sa social media mahitungod sa vote buying, mas maayo matod pa nga pormal nga mupasang-at ug kaso batok sa mga gitumbok nga kandidatong namalit ug boto sa bag-ohay palang nahuman nga Barangay ug Sangguniang Kabataan kon BSK Election.
Sumala ni DILG Undersecreatary Martin Diño, andam silang motabang sa mga mupasaka ug kaso batok sa mga kandidatong namalit ug boto.
Gitumbok sa undersecretary nga ang nahitabong vote buying pagpangandam na matod pa sa umalabot nga 2019 national election.
Alayon niini giawhag ni Usec. Diño ang media ilabina ang Bombo Radyo Philippines nga makig-alayon sa ilang buhatan alang sa pagpakgang sa rampant nga vote buying ug mapanubag ang nagpaluyong politiko. (Melody Valledor)
