BUTUAN CITY – Ang gipatigbabaw matud pa nga mga personal biases sa walo ka mga justices sa Korte Suprema nga mipabor sa qou warranto petition kansa maoy nagpalagpot kang kanhi Chief Justice Ma. Lourdes Sereno, ang hinungdan nga magduso og impeachment complaint ang Akbayan partylist batuk kaniya kanila.
Sa eksklusibong interview sa Bombo Radyo Butuan. gipadayag ni Akbayan Partylist Rep. Tom Villarin nga ilang iduso ang maong reklamo tungod matud pa sa culpable violation of the constitution ilabina nga klaro matud pang nasayod ang walo ka mga justices nga pinaagi lang sa impeachment proceedings matangtang ang kanhi chief justice og dili sa pagsuporta sa quo warranto petition nga giduso ni Solicitor General Jose Calida batuk kang Sereno.
Dugang pa niini, angayang nag-inhibit unta ang maong mga Supreme Court justices adiser nagdesisyon sa gidusong petisyon tungod kay sila ang nagsilbing accusers og witnesses sa pagpatangtang kang Sereno dungan sa gidusong impeachment complaint.
Ang gihimo matud pa sa maong mga justices klarong paglapas sa ilang gipanumpaang mandato nga sundon ang constitutional mandate. (Mon Aplaya)
