BUTUAN CITY – Wala pa’y mireklamo sa 42 ka mga residente sa Purok 6, Brgy. Tagapua, lungsod sa San Francisco, Agusan del Sur nga nalarag human nakakaon sa gidalit nga pansit sa mikandidato sa pagka-kapitan nga si Ireneo Cale.
Gika-ingong wala’y namatikdang lahi nga lasa o kaha baho ang mga residente dihang mikaon sa maong pansit apan natingala na lang sila nga sa paglabay sa duha ka oras, nagsugod na pagsakit ang ilang tiyan, nga gisundan sa pagsuka-suka.
Nangayo na og dispensa ang pamilya Cale dungan sa pagpasabot nga hayan na-contaminate lang kini tungod kay buntag pa kini giluto og gabii na nila napakaon.
Ipa-ilalom pa sa food sample test ang pansit aron masayran kung unsa nga bacteria ang mitapot niini.
Abagahon usab sa pamilya Cale ang galastuhan sa pagpa-ospital sa mga biktima og ang ilang tumarong tambal. (Beth Ruiz)
