BUTUAN CITY – 70-porsiento nang nangabot na sa Butuan ang mga election paraphernalia nga gamiton sa umalabot nga eleksyon karong Mayo 14.
Gikumpima kini ni Rema Cabusao – administrative officer 5 sa City Treasurer’s Office kansang buhatan maoy custodian sa nasangpit nga mga gamit.
Gibutyag sa opisyal nga nagsugod pa ang ilang pagpangandam sa mga ballot boxes pinaagi sa pagkuha sa mga sulod niini, paghinlo og pagpintal dayong pamilit sa ilang mga cluster numbers.
Gani isip kabahin sa ilang preparasyon, nagsugod na usab ang ilang overtime nga pagtrabaho hinungdan nga nakompleto na nila pagtrabaho ang 569 ka mga ballot boxes.
Gibutyag sa opisyal nga plastar na usab ang ilang mga gamitong election paraphernalia samtang duna na usab sila’y gi-andam nga sistema og estratihiya aron dili magkagubot ang mga magtutudlo higayong kuhaon na ang nasangpit nga mga gamit. (Beth Ruiz)
