BUTUAN CITY – Nagmalampuson ang gipahigayong anti-criminality operation sa kapulisan sa Brgy, Diatagon, Lianga, Surigao del Sur human nga nasikop ang tigpahuyot sa droga nga nailing si Sulberto Salgado alyas “Longay” 48, anyos ug lumolupyo sa nasangpit nga lugar.

Nakumpiska gikan sa suspetsado ang 4 ka sachet sa gituohang illegal nga droga nga dunay market value nga 4,500, 2 ka unit sa 38 revolver nga dunay usa ka buhing bala, calibre 22 rifle ug uban pang illegal drug paraphernalia.

Nasayran nga dugay nang gipanid-an sa otoridad ang nasangpit nga suspetsado kansa kasamtangang tingkagol karon sa karsel ug gikatakdang mag atubang sa kasong paglapas sa Republic Act No. 9165 ug Republic Act No. 10591.