BUTUAN CITY – Girekomenda sa mga doktor sa Saudi Arabia ang full CT scan sa ulo sa kulatadong Agusanon overseas Filipino worker kon OFW nga si Jane Rose Dotollo na taga-Brgy. Alubihid, Buenavista, Agusan del Norte.
Kini human siya napa-ilalom na sa medical check-up rason nga naka-inom na siya og tambal.
Mahinumdumang midangop ning sibyahan ang inahan sa biktima human nasayran nga wala siya giswelduhan sa iyang amo sulod na sa duha ka buwan og gikulata pa, resulta sa iyang paglayas ngadto sa Philippine Embassy sa Saudi Arabia.
Sa eksklusibong follow-up nga gihimo sa Bombo Radyo Butuan, gibutyag sa biktimang si Jane Rose mala-umon siyang mauli-an na sa labing daling panahon og makasuhan na ang iyang mga amo aron makapa-uli gilayon ngadto sa iyang mga anak, bana og mga ginikanan. (Beth Ruiz)
