Inahan nga nagsuplay og porn materials sa mga langyaw, nadakpan sa Butuan City

BUTUAN CITY – Nasikop ang usa ka ginang human sa gihimong joint operation sa Butuan City Police Office ug mga sakop sa Directorate for Investigation and Detective Management kon DIDM nga nakabase sa Kampo Crame kagahapong adlawa.
Sa pakighinabi ning sibyahan, gibutyag ni P/Sr. Supt. Albert Magno, police city director ning syudad, nakig-alayon kanila ang mga sakop sa Directorate for Investigation and Detective Management (DIDM) alang sa himuong joint enrapment operation batuk sa usa ka ginang ning syudad nga nalambigit sa trafficking in person.
Sigon niini, nga nagsugod matud pa ang pagpanubay sa maong kaso sa dihang nababagan nga usa ka British national didto sa UK airport nga nakuhaan ug mga hubong hulagway ug video clips sa mga kabataan ug sa gihimong imbestigasyon.
Misangpot kini sa pagkonektar niini ngadtsa nasikop nga suspek nga si Joanne Lantajo, taga – Purok 6 Brgy. Mahogany ning syudad sa Butuan.
Gitu-uhan nga tuig 2013 pa nagsugod sa modus operandi sa suspek ang nasangpit nga dinakpan kungdiin lakip pa sa gihimong biktima ang iyang kaugalingong anak pinaagi sa pagpahubo niini atubangan sa camera bugti sa ibayad sa mga parokyano niining mga langyaw.
Giproseso na ang nadakpang suspek alang sa pormal nga pagpasaka ug kaso batuk kaniya samtang gikostudiya kini sa may Butuan City Police Office. (Rolan Janea)