BUTUAN CITY – Mi-abot sa 20 ka mga sawmills sa mga lalawigan sa Agusan del Norte og Agusan del Sur ang napasirad-an sa Department of Environment and Natural Resources kon DENR-Caraga sa ilang gihimon g anti-illegal logging operations ning rehiyon.
Gibutyag sa Bombo Radyo Butuan ni Eric Gallego, information officer sa DENR Caraga milampos ang first wave sa ilang anti-illegal logging operation ilabina nga lakip sa ilang napasira ang usa ka furniture shop ning siyudad nga duna’y stocks sa mga illegally cut logs.
Padayon pang gi-consolidate sa ilang operation units ang kinatibuk-ang volumes sa mga cut logs gikan sa kapin usa ka gatus ka mga sawmills og planta nga ilang sorpresang gi-inspeksyon.
Nasayrang mu-abot sa 20 ka mga grupo ang naghi-usa og pwersa sa maong operasyon nga gilangkuban sa militar, kapulisan, mga sakop sa NBI og DENR gawas pa sa augmentation force gikan sa Regions 10 og 11. (Mon Aplaya)
