BUTUAN CITY – Ipadayon karung adlawa sa siyudad sa Cabadbaran, Agusan Del Norte ang Special National TVET Enrollment and Jobs Bridging sa Technical Education and Skills Development Authority kon TESDA provincial office.
Sa pakighinabi ning sibyahan kang Julius Jamero, TESDA provincial director, simultaneous kining gihimo sa tibook nasud.
Kagahapong adlawa, gipatuman nila ang kini sa Northern Mindanao School of Fisheries kon NMSF sa lungsod sa Buenavista sugod sa alas 8:00 sa buntag ngadto sa alas 5:00 sa hapon samtang karong adlawa usab didto sa Provincial Training Center sa Cabadbaran City.
Target nilang makuha ang mil-500 nga target of applicants diin gi-imbitar nga motabang sa aktibidad ang Department of Labor and Employment kon DOLE.
Giklaro ni Jamero nga walay laing rekisitos silang gihimu kundi ang maglista lang ug mofill-up sa application form hinungdang gihagit ang tanan nga mopahimulos sa maong programa ilabina kadtong ilang target nga mga trabahante sa construction sector, mga Overseas Filipino Workers kon OFW sa bisan asang nasud kini mag-gikan.
Ang makabenipisyo sa programa, makadawat sa libreng training, assessment, tool kits ug allowance.
Lakip usab sa ilang prayoridad ang mga Person’s With Disability kon PWD, Senior Citizen ug Indegeous People kon IPs.
Apil na usab niini ang kadtong mag-upgrade sa ilang skills, mga information techonology sectors, og business and management sector.
Gipadayag pa niini nga ikaduhang hugna na kini sa samang aktibidad, diin ang nahiuna, gihimu niadtong Pebrero 27 nagdto sa 28 ning tuiga sa usa ka eskwelahan dinhe sa siyudad sa Butuan apan muabot lang sa 800 ang aplikante tungod matud pa sa kakulang sa pagpahibalo sa katawhan. (Rolan Janea)
