BUTUAN CITY – Nahurot ang bilib sa usa ka retiradong American teacher sa Bombo Radyo Butuan human nga na-uli dinhi sa sibyahan ang iyang pitaka usa ka oras lang human kini nahanaw.
Sa iyang pag-claim sa iyang pitaka, dili makatuo si Philip Emerson nga taga-Washington, California nga mabalik pa kaniya ang iyang pitaka nga wala’y bisan usa nga nawala tungod kay didto sa Amerika, kung mawala matud pa ang usa ka pitaka, dili na kini mabalik ngadto sa tag-iya.
Misamot ang iyang kabilib ngadto sa nakakita sa iyang pitaka tungod kay bisan ang gamay niyang kwarta nga anaa sa sulod, wala usab kuhaa.
Tungod niini, kinasing-kasing siyang nagpasalamat sa wala magpa-ilang lalaki nga nag-turn over sa iyang pitaka dinhi sa Bombo Radyo Butuan dungan sa pagbutyag nga andam siyang muhatag og ganti higayong magpakita kaniya ang maong lalaki.
Gitapos niini ang iyang pagpasalamat pinaagi sa pagsinggit usab sa sikat nga extro sa Bombo Radyo Philippines. (Beth Ruiz)
