BUTUAN CITY – Gitun-an pa sa 26 ka mga turista kung mupasaka sila og kaso batuk sa operator sa gisakyan nilang pump boat nga mitikla-ob sa receiving area kon guard house sa pantalan sa lungsod sa Socorro, Surigao del Norte samtang padulong na unta sila sa Sohoton Cove sa Brgy. Sudlon, sakop sa maong lungsod.
Sigon ni Socorro Chief of Police Sr. Inspector Angel Cadeliña, nag-iyahay og selfie ang mga excited ng turista sa ilang himuong tour dihang mi-abot sa receiving area cottage ang bangkang gimaneho sa dili lisensyadong boat captain nga si Carlito Quisagan Juanite Jr., 38-anyos, minyo og residente sa Brgy. Taruc sakop usab sa maong lungsod.
Gipahimangnuan matud pa silang mag-amping human nga kadaghanan kanila nakapwesto sa usa ka parte sa bangka nga gisundan gilayon sa pagtikla-ob niini og tungod kay wala pa hingpit nga nakabiya ang bangka hinungdan nga naluwas ang tanang 26 ka mga turistang sakay niini nga parehong taga-Brgy. Datu Ardon, Panabo City, sa lalawigan ng Davao del Norte.
Migawas sa inisyal nga imbestigasyon nga dili rehistrado sa buhatan sa MARINA ang motor banca nga duna’y pangalang Carrascal Transporter. (Beth Ruiz)
