BUTUAN CITY – Nagmalampuson ang gihimong drug buybust operations sa mga sakop sa Butuan City Police Station 2 kagahapong adlawa.
Sa pakighinabi ning sibyahan, gibutyag ni PSI Jayward Dulatre, hepe sa Butuan City Police Station 2, nga bandang alas- 4:42 ang takna sa hapon, gihimo nila ang usa ka drug buybust operations batuk sa duha ka mga suspek nga pulos mga babae.
Giila kini sa mga alyas lamang nga sila Alexandra Nicole Chua alyas Nicole, legal ang panuigon, dalaga nga taga Purok 1, Brgy. San Vicente ug Merilyn Reyes Chui alyas Akisha, dalaga nga taga – Brgy. Buhangin ning syudad sa Butuan.
Nakumpiska gikan kanila ang 13 ka mga sachet sa gidudahang shabu, celphones ug 300 pesos nga salaping cash.
Matud pa nga mga newly-identified drug personality ug gikonsidera nga mga street level nga mga drug pusher ang nadakpang mga suspersado.
Sa karon, gikatakdang ipailawom sa drug test ang nasangpit nga mga suspek samtang giandam na ang pagpasaka sa tukmang kaso batuk kanila.
Nahitabo ang pag-aresto sa may Purok 1 Brgy. Dagohoy ning syudad sa Butuan.
