BUTUAN CITY – Hatagan og desenteng lubong ang narekober nga kalabera nga gitu-uhang usa ka rebeldeng New People’s Army kon NPA human napalgan kagahapon sa hapon sa mga sakop sa 75th Infantry Battalion, Philippine Army.
Sigon ni Lt Colonel Jaime Datuin, commanding officer sa 75th IB, narekober ang kalabera sa Road 1K, Brgy. Bunawan Brooks, Bunawan, Agusan del Sur tungod sa impormasyong gihatag sa mga residente ngadto sa Community Support Team kon CST sa maong brigada.
Apil sa narekober nga kalabera kansa gisuta pa kung kini babaye o lalaki, mao ang usa ka AK47 rifle, lima ka mga magazines og mga bala.
Posibleng basta-basta na lang gibiyaan sa iyang mga ka-ubanan ang maong rebelde human nasamdan o kaha namatay sa giyera tali sa mga sundalo. (Beth Ruiz)
