BUTUAN CITY – Padayon pang gi-ila sa militar uban sa mga lokal nga opisyal sa Brgy. Mahagsay, San Luis, Agusan del Sur ang identity sa usa ka rebeldeng New People’s Army kon NPA nga napatay atol sa duha ka adlaw nga engkwentro sa may Sitio Ubang sa maong barangay.
Sigon ni Captain Rodulfo Cordero Jr., Civil Military Operations kon CMO officer sa 401st Brigade, Philippine Army, natigayon ang engkwentro tali sa tropa sa 26th Infantry Battalion, Philippine Army og sa SYC, Guerilla Front 88 sa NPA.
Apil sa narekober nga patay’ng lawas ang usa ka AK-47 rifle. Gila-umang ma-ilhan na karong adlawa ang maong rebelde tungod kay dalhon sa maong dapit ang mga ka-ubanan niining bag-ong mitahan nga mga rebeldeng sakop sa Guerilla Front 88.
Gitu-uhan niining duna pa’y angol sa panig sa mga rebelde tungod sa mga lama sa dugo nga nabilin sa encounter site. (Beth Ruiz)
