BUTUAN CITY – Gikumpirma sa Department of Tourism Region kon DOT-Caraga nga nagsugod na pagdagsa sa Siargao Island sa lalawigan sa Surigao del Norte ang mga turistang kanunay nagbakasyon kaniadto sa isla sa Boracay.
Sigon ni tourism officer Mary Jane Camarin, mas daghang turista ang nangabot karon sa lungsod sa General Luna kondiin mapalgan ang sikat nga Cloud 9 surf break nga maoy paborito sa mga local og international surfers.
Duna na usa’y mga nangabot sa lungsod sa Pilar diin himuon sunod buwan ang World Game Fishing Cup apil na sa lungsod sa Del Carmen diin usab mapalgan ang lapad nga mangrove forest sa nasud nga duna’y gilapdong 8,620 hectares.
Natala ang sayong pag-abot sa mga bakasyunista human gisugdan ang rehabilitasyon og ang pagpasira sa pipila ka mga business establishments sa Boracay tungod sa environmental issue. (Beth Ruiz)
