BUTUAN CITY – Pursigidong sudlon sa Philippine Military Academy kon PMA Alagad ng Lahing Binigkis ng Tapang at Lakas kon ALAB TALA Class of 2018 fourth place Cadet First Class Leonore Andrea Cariño Japitan sa Brgy. Ambago, ning siyudad sa Butuan ang Philippine Army, pagka-graduate niya karong Dominggo, Marso 18.
Sigon sa kadeteng Butuanon sa eksklusibong interview sa Bombo Radyo Butuan, gusto niyang makatabang sa problema sa insurhensiya sa nasud.
Apan gitin-aw niya nga sa unang mga tuig nila sa serbisyo. ipalayo una sila sa ilang hometown og dawat niya kini.
Daking dungog usab alang kang Japitan nga ma-assign sa Mindanao ilabina sa Caraga Region diin kusog pa ang pwersa sa mga rebeldeng New People’s Army kon NPA.
Kaganinang kaadlawon, migikan na padulong sa Baguio City ang mga ginikanan sa kadete aron mutambong sa ilang graduation ceremony karong Dominggo.
Nasayrang high school pa sa Father Saturnino Urios University si Japitan dihang mipasar sa PMA entrance examination hinungdan nga naghulat pa siya og usa ka tuig adiser gisulod ang PMA nga usa lang sa iyang napasarang mga akademya o kolehiyo nga duna’y entrance examination.
Nasayrang karong tuiga, lima sila nga mu-graduate gikan sa dakbayan sa Butuan og Agusan del Norte nga gilangkuban nila Cadet First Class Shella Mae Nebreja, Jessie Dawisan nga taga-Buenavista, Agusan del Norte, Dan Karl Emboy nga taga-Emenville Subdivision sa Brgy. Libertad ning siyudad og Carlito Pagario nga taga-Butuan gihapon. (Beth Ruiz)
