BUTUAN CITY – Ipresenta na sa Presidential Task Force on Media Security kon PTFOMS kang Pangulong Rodrigo Duterte ang update sa ilang imbestigasyon sa kasong pagpatay sa media practitioner sa Surigao del Sur nga si Cris Lozada.
Sa eksklusibing interview sa Bombo Radyo Butuan, gipadayag ni Joel Maquiza Egco – hepe sa PTFOMS, anaa na sa ilang kostudiya ang key eye witness sa mipusil sa biktima.
Dugang pa niini nga niadto pang Nobyembre ning mi-aging tuig sa gihimong imbestigasyon sa Criminal Investigation and Detection Group kon CIDG natumbok ang identity sa susama sa ilang suspected gunman nga na-ilang si Rolly Mahilum.
Nasaurang nabilanggo na kaniadto ang suspetsado tungod sa kasong illegal possession of firearms and explosives apan nakapyansa kini hinungdan nga padayon pang gipangita.
Sigon sa ilang impormante, ang suspek duna’y koneksyon matud pa kang Bislig City Mayor Librado Navarro ang gitudlong utok sa pagpatay kang Lozada.
Misaad si Egco nga masulbad nila ang tanang mga kasong pagpatay og pagpanghadlok sa mga media practitioners sa tibuok nasud. (Melody Valledor)
