BUTUAN CITY – Pormal ng gilusad sa Commission on Human Rights kon CHR-Caraga ang 2018 Search for Caraga’s Most Gender Responsible LGU.
Kini subay na sa pagsaulog sa Women’s Month ning bulana diin gi-anunsiyo kini sa bag-ohay lang nga nahuman nga Women’s Summit 2018 sa nakalabay’ng adlaw.
Sumala ni Joyce Ann Adlawan, Regional Information Officer sa CHR-Caraga, kini apilan sa lokal nga panggamhanan sa Agusan Del Norte, Agusan Del Sur, Surigao Del Norte, Surigao Del Sur ug Dinagat Island lakip na sa mga highly urbanized city sa Caraga nga maoy maglangkub sa category 2.
Giklaro pa ni Adlawan nga mamahimong makadaug ang tanang mi-apil ug madawat ang seal of Most Gender Responsive og uban pang pwede mahatag.
Muabot pa sa usa ka tuig ang himoong monitoring sa buhatan diin ang awarding mahitabo gihapon sa bulan sa Marso sunod tuig. (Rolan Janea)
