BUTUAN CITY – Gikalipay ni Davao City Mayor Inday Sara Duterte ang matang sa buwak nga bag-o lamang nadiskobre sa Dinagat Island, Surigao del Norte.
Naila kini nga Philippine Hoya Wax Plant nga gi-ila na karong Inday Sarae nga nakaplagan sa grupo sa mga biologists gikan sa University of Mindanao kansa dunay tulo ka mga kolor sama sa pink, violet ug puti mao nga gikonsiderang talagsa-on, gumikan kay ang kadaghanan sa Philippine Hoya Wax Plant, usa lamang ang kolor.
Sumala ni Militon Medina, director sa Institute for Bio-diversity and Environment, gipangalan nila kang Mayor Inday Sara ang tanom tungod sa adbokasiya niini nga protektahan ang kinaiyahan sa Mindanao.
Gikalipay usab ni Mayor Inday Sara Duterte-Carpio ang pagpangalan kaniya sa Inday Sarae tungod kay hilig usab siya sa buwak.
Sa pagkakaron ang Pilipina duna na’y 300 ka mga species sa Philippine Hoya Wax Plant. (Mon Aplaya)
