BUTUAN CITY – Muabot sa 123 ka mga kanghi rebeldeng NPA ang kasamtangan karong atua sa kauluhan aron nga isuroy sa Malacanang ug sa uban pang mga lugar.
Sa pakighinabi ning sibyahan, gibutyag ni Lt. Terry Indiente, tigpamaba sa 4th ID, PA, nga ang maong aktibididad pinasubay sa gihimong pag-imbitar ni Pangulong Rodrigo Duterte nga manihapon didto sa Malacanang kauban niya ang mga kanghi rebelde nga mitahan pagbalik sa gobyerno pinaagi sa 4th ID, PA.
Matud pa nga mao kini ang gipasalig sa pangulo atol sa gipahigayong former rebel summit didto sa syudad sa Davao ning miaging tuig.
Gani, kini na ang 3rd batch nga gihimo ang pagdala sa mga kanghi NPA rebels didto sa kauluhan.
Mulungtad matud pa sa tulo ka adlaw ang tour sa mga niini didto sa kauluhang Maynila kangsa pagalangkuban sa paglibot sa Luneta ug Intramuros, pag-welcome kanila sa opisina sa AFP Chief of Staff, ilaag usab sila sa PSG Museum ug sa tibuok Malacanangm ug dayon mall tour sa katapusang adlaw.
Subay niini, tinguha matud pa sa maong lakang nga ipakita ang sensiridad sa pangulo sa pagdawat ngadto sa mga kanghi rebelde ug gitinguha niini nga kalinaw ug pagpakita ngadto kanila nga anaa pa sila’y mamahimo bag-ong kinabuhi nga naghulat sa ilang pagbalik sa gobyerno taliwa sa ilang mga kasinatian sa kabukiran.
