-- ADVERTISEMENT --
BUTUAN CITY – Posibleng nadakin-as lang ang usa ka lalaking napalgang patay pipila ka oras human gipangita ang iyang kabaw samtang bitbit ang shotgun.
Sigon ni PO2 Ian Kenneth Alguno, wala sila’y nakitang mga senyales nga gipatay ang biktimang si Marcelo Rebuta Sambayon, 40-anyos, menyu nga taga, P-6 Casanaag, Guadalupe lungsod sa Esperanza, Agusan Del Sur tungod kay hapsay man ang palibot diin siya nagbuy-od ilabina nga ang igo sa bala nga iyang na-angkon, anaa dapit sa pantog.
Dako ang posibilidad nga na-unay pagka-igo sa iyang dalang shotgun ang biktima tungod kay wala’y tima-ilhan nga kini gitulis human nasutang nakadaog kini sa sabong og nakumpirma nga anaa ra sa iyang bulsa ang kwartang daog niya sa sabong.
