BUTUAN CITY – Gilubong gilayon ang wala pa ma-ilang patay’ng lawas nga napalgan sa ilawom na sa ka-ugatan sa mangrove area sa Brgy. Balibayon sa Surigao City kagahapon sa alas-tres sa hapon.
Sigon ni P/Supt. Diomedes Cuadra Jr., mitawag matud pa sa ilang buhatan ang kapitan sa Brgy. Balibayon og nagpahibalo kanila kalabot sa napalgang patay’ng lawas nga anaa na sa state of decomposition gani wala na kini ulo og kamot.
Lisod na matud pang maila ang biktima tungod sa kalata na sa lawas niini gawas lang sa suot niining pantalon nga duna’y tatak nga RRJ.
Wala gisalindot sa opisyal ang posibilidad nga ang patay’ng lawas mao ang mi-ambak gikan sa barko sa Cokaliong nga nailang si Arial Manlapaz, 22-anyos, ulitawo og residente sa Tandag City, lalawigan sa Surigao del Sur.
