BUTUAN CITY – Gawasnon na ang driver sa usa ka sakyanan human nakigsabot ang pamilya niini ngadto sa pamilya sa driver sa usa ka single motor nga nakalas human sa aksidente sa kadalanan.
Base sa imbestigasyon sa kapulisan, naila ang biktima nga si Emilio ‘Dodong’ Mahinay, 31, minyo, taga- Ideal Homes Subd., Brgy. Libertad ning syudad sa Butuan kinsa gideklarang dead-on-arrival sa ospital human mibangga ang gimanehoan niining single-motor ngadto sa usa ka Mitsubishi Adventure nga gimanehoan ni Alexander Ocampo Capili, 44, menyo, taga- NorthTown Subd., Brgy. Libertad ning syudad.
Nasayran nga samtang paliko na unta sa may Santan St., Brgy. JP Rizal ang nasangpit nga sakyanan, kalit lamang nga mibangga sa kilid nga bahin niini ang naasoy nga single-motor nga miresulta sa kamatayon sa driver niini.
Natigayon kini bandang alas – 12:45 ang takna sa sayong kadlawon kagahapong adlawa sa nasangpit nga lugar. (Mon Aplaya)
