BUTUAN CITY – Makonsiderang bayani ang gwardiya sa East West bank – Nasipit branch nga napatay sa duha ka gidudahang tulisan human gibanhigan ang gisakyan nilang service vehicle kagahapon sa hapon sa Crossing Agong-ong, Buenavista, Agusan del Norte..
Kini human nakumpirmang duna’y sulod nga 2-milyones pesos ang bag nga narekober sa likod gna bahin sa iyang lingkuranan nga iya pang gisandiganan.
Sigon ni P/Chief. Ch ief Calvin Placer sa eksklusibong interview sa Bombo Radyo Butuan, personal nga mga gamit lang ang sulod sa sling bag nga nadala sa wala pa ma-ilang duha ka mga armadong lalaki kinsa daling misibat angkas sa naghulat kanilang motorsiklo.
Mahinumdumang patay on-the-spot ang gwardyang si Gerson Lumanao, 45-anyos, minyo, presidente sa Purok 1, Brgy. Macalang sakop sa maong lungsod tungod sa kadaghan sa mga bala nga iyang na-angkaon samtang padayon ang nag-alim ang branch manager sa maong bangko nga si Noryev Barsobia nga residente usab ning siyudad sa Butuan.
Papdayon pa ang imbestigasyon sa ilang pwersa og pakig-alayon sa mga nakasaksi sa maong insidente aron makamugna na sila og computerized facial composite sketch sa mga suspek. (Lilibeth Ruiz)
