BUTUAN CITY – Magapahigayon og special session ang lokal nga pamahaan sa lungsod ng Surigao karong adlawa aron ideklara ang state of calamity tungod sa gibiyaang ni bagyong Basyang kagahapon.
Sa exclusive interview sa Bombo Radyo Butuan kang Surigao City Vice Mayor Alfonso Cassura, gipadayag niining wala nila laumi ang natigayong flash floods kondiin halos tanang barangay ang nalanapan sa tubig-baha.
Dili matud pa kaayo kusog ang pag-ulan hinungdan nga dako na lang ang ilang kakurat sa paspas nga pagsaka sa level og pag-awas na sa tubig sa Surigao river sa mga kasikbit nga barangay diin halos lapas na sa tawo ang giladmon niini rason sa gihimong dinali-ang rescue operation.
Samtang mi-abot na sa 7,618 ka mga pamilya kon 32,574 ka mga indibidwal gikan sa 30 ka mga munisipalidad og usa ka siyudad ning rehiyon ang mitala n aog mga evacuees nga anaa sa 109 ka mga identified evacuation centers.
Sa pagkakaron, unom na ang natalang casualty og daghan ang angol samtang 67 ka kabalayan usab ang totally damage og 223 ang partially damaged tungod sa mga pagbaha og landslides.
Paralisado usab ang transportasyon sa pipila ka bahin sa rehiyon human naguba ang nag-unang kadalanan og tulaysama sa kalsada sa Brgy. Cuyago og Puyo Bridge sa Brgy. Bangonay, sa lungsod sa Jabonga, Agusan del Norte.
Dili pa usab maagi-an ang usa pa ka lane sa kalsada sa Brgy. San Roque, sa lungsod sa Kitcharao sa susamang lalawigan og ang Quezon-Mapawa-Capalayan-Espina-Navarro Road sa Surigao City apil na sa Brgy. Mayag, Sison-Surigao del Norte tungod sa grabeng pagbaha.
Nagpadayon pa karon ang assessment sa Office of the Civil Defense (OCD) Caraga sa kinatibuk-ang kadaut nga hatud sa bagyong Basyang. (Melody Valledor)
