BUTUAN CITY – Gikonsidera gihapong swerte bisan og dimalas nang daan ang nasinatian sa 20 ka mga indibidwal nga residente sa Brgy. Babuyan, Carrascal, Surigao del Sur human nga gisugat sila og landslide atol sa ilang paghikling unta kaganina padulong sa natumpag nilang rescue center.
Kini ang gisaysay ni Babuyan Brgy. Kagawad Rolen Conjurado kinsa apil sa nalubong sa midahiling lapok ka-uban ang namatay niyang apo nga si Michinaria Conjurado.
Sa eksklusibong pakighinabi sa Bombo Radyo, gibutyag niining padulong na unta sila sa ilang health center aron muhikling apan gisugat sila og landslide nga mi-igo sa ilang health center nga miresulta sa pagkamatay sa iyang apo og sa lain pang si Lily Samson.
Alang kaniya, milagro niyang makonsidera ang iyang nadangatan tungod kay duha ka dupa ang gilawmon sa lapok nga mitabon kanila adiser siya naluwas sa mga rescuers.
Sa pinakahuling development, lima na ang kumpirmadong patay sa landslide ng nasabing bayan matapos madagdag sa mga casualties sa Brgy. Babuyan ang isa pang evacuee na si Billy Samson maliban pa sa mag-iinang nalibing ng buhay sa Brgy. Gamuton. (Beth Ruiz)
